ევროპის უნივერსიტეტის მედიცინის ფაკულტეტი ევროპის სამედიცინო სკოლების ასოციაციის (AMSE) წევრი გახდა.  აღნიშნული ორგანიზაცია წარმოადგენს ევროპის სამედიცინო სკოლების ერთ-ერთ ძირითად ფორუმს  ინსტიტუციური გამოცდილების გაზიარების კუთხით.

ორგანიზაციის საქმიანობის ერთ-ერთი ძირითადი მიმართულებაა სამედიცინო სკოლის მართვის საკითხები. ამ კუთხით, ხშირად ეწყობა შეხვედრები სხვადასხვა სკოლის დეკანებს შორის საუკეთესო პრაქტიკასთან დაკავშირებით.

ევროპის უნივერსიტეტის მედიცინის ფაკულტეტი აქტიურად ჩაერთვება აღნიშნული ორგანიზაციის საქმიანობაში.